«Տիեզերք» ուսումնական նախագիծն ամենամյա է և իրականացվում է կրտսեր դպրոցի 1-3-րդ դասարաններում:
Մասնակիցներ՝ 1-ին դասարանի սովորողներ, ընտանեկան դպրոցներ
Տևողությունը`սեպտեմբեր-հոկտեմբեր ամիս։
Նպատակը՝ Բնական, կենսական (շրջակա) միջավայրի ճանաչողության միջոցով նպաստել շրջակա միջավայրի պահպանմանն ու բարելավմանը:
Խնդիրները`
- Սովորողների աշխարհաճանաչողության զարգացում, իրեն և շրջակա աշխարհը ճանաչելու հմտությունների ձևավորում.
- Բնական, կենսական միջավայրի ուսումնասիրություն
- Տեսողական-պատկերային մտածողության զարգացում.
- Դիտումներ (դիտարկումներ) կատարելու հմտությունների ձևավորում.
- Առարկաները ըստ որևէ հատկության համեմատելու կարողության ձևավորում.
- Նույն հատկություն ունեցող առարկաների հավաքածու կազմելու կարողության ձևավորում.
- Ծանոթացում առարկաների տարածական առնչություններին՝ վերև-ներքև, առաջ-ետ, աջ-ձախ, բարձր-ցածր, մոտ-հեռու, ներս-դուրս, վրա-տակ, միջև-մեջտեղը
- ՏՀՏ միջոցներից օգտվելու հմտությունների ձևավորում.
- Շրջապատի նկատմամբ հոգատար վերաբերմունքի ձևավորում.
- Ստեղծագործական երևակայության զարգացում:
Ուսումնական գրականության, այլ ռեսուրսների ցանկ
- Ղ. Աղայան «Առավոտը գյուղում»
- Հ. Թումանյան «Լուսաբացին»
- Ա. Խնկոյան «Գիշեր»
- Ա. Խնկոյան «Լուսին»
- Հանելուկներ, շուտասելուկներ
Նախագծի իրականացման ընթացքը (ընդհանուր նկարագրություն)
Լեզվագործունեություն և շրջակա աշխարհ
- Ուսումնասիրել երկինքը դիտումների միջոցով օրվա տարբեր ժամերին՝ տանը և դպրոցում:
- Պատմել երկնքի մասին. Ինչպիսի՞ն է երկինքը, երբ ցերեկ է: Ինչպիսի՞ն է երկինքը, երբ գիշեր է: Կազմել բառակապեր: Ուշադրություն դարձնել բառ, բառակապ հասկացությանը: Պատումները ձայնագրել, ներկայացնել նկարաշարով:
- Ստեղծագործական աշխատանք ռոդարիական հնարքներով՝ հորինել հանելուկներ, ստեղծել նոր ու անսովոր բառակապեր, բառեր, փորձել բացատրել դրանք:
Աշխատանք գրական ստեղծագործությունների հետ
- Ներկայացնել, բացատրել անհասկանալի բառերը:
- Գրական ստեղծագործությունները յուրացնել խաղ-բեմականացման միջոցով:
- Հեքիաթը, ոտանավորը նկարել որպես՝
— Պատմություն-նկար
— Հատված-նկար
— Նախադասություն-նկար
Կերպարվեստ, տեխնոլոգիա և մեդիատեխնոլոգիա
- Նկարել մեր տեսած երկինքը, իսկ որպես նախագծի ամփոփում՝ տիեզերքը: Աշխատել գուաշով և ջրաներկով:
- Հաջորդ քայլը համակարգչային Paint ծրագրով աշխատել: Յուրացնել հիմնական գործիքների ֆունկցիաները, կարողանալ պահպանել աշխատանքները համակարգչում:
- Նկարել երկնային մարմինները՝ արև, լուսին:
- Նկարել գիշեր, ցերեկ, և որպես նախագծի ամփոփում՝ նկարել տիեզերքը:
- Դիտել ուսումնական մուլտֆիլմ աստղագիտության մասին:
Մաթեմատիկական գործունեություն
Էլեկտրոնային առաջադրանքներ առարկաների տարածական առնչությունների վերաբերյալ ( վերև-ներքև, առաջ-ետ, աջ-ձախ, բարձր-ցածր, մոտ-հեռու, ներս-դուրս, վրա-տակ, միջև-մեջտեղը, մեծ է, փոքր է, հավասար է): Առաջադրանքները կազմվում են արևի, լուսնի, աստղերի, ամպերի պատկերներով:
Նախատեսվող ուսումնական ճամփորդություն՝ կրթահամալիրի Աստղացուցարան