Արևելյան դպրոցում այսօր կրկին հանդիպեցինք 2024-25 ուստարվա համար դիմած վեց տարեկաններին և ծնողական համայնքին։ Մեր ճամբարային երկրորդ օրը հագեցած էր տարատեսակ գործունեություններով ։ Նախ օրը սկսեցինք ընդհանուր պարապմունքով՝ մի լավ մարզվեցինք, վերհիշեցինք «Կռունկներ» և «Մեղու» բանաստեղծություններն, այնուհետև ընկեր Լիլիթի հետ երգեցինք մեզ արդեն ծանոթ երգերն ու պարեցինք «Թամզարա» պարը։
Ճամբարային օրը պայծառ ու ժպտուն վեց տարեկանների հետ շարունակեցինք Արևելյան դպրոցի լուսավոր սրահում, որտեղ իրականացրեցինք «Գույներ և ազդեցություններ» խաղ-գործունեությունը։ Ունկնդրելով կոմիտասյան երաժշտությունը՝ գունավոր կավիճների օգնությամբ սպիտակ թուղթը վերածեցինք գունառատ ճանապարհի։ Մասնակիցները պատկերեցին մեկը մյուսից հետաքրքիր պատկերներ և պատմեցին դրանց մասին։
Օրն ամփոփեցինք Արևելյան դպրոցի ընդարձակ մարզասրահում, որտեղ մեզ սպասում էր ընկեր Արմանը։ Ընկեր Արմանի օգնությամբ մի լավ մարզվեցինք, վազվզեցինք և բարձր տրամադրությամբ միմյանց հրաժեշտ տվեցինք։
Նկարաշար՝
site584366730.wordpress.com 