Մարտի 27-ից 29-ը «Մխիթար Սեբաստացի» կրթահամալիրի Արևելյան դպրոց-պարտեզում կազմակերպվեց 2018 թվականին ծնված 6 տարեկան առաջին դասարանցիների «Մուտք» ճամբարը: Եռօրյա ճամբարին մասնակցեցին հեղինակային կրթական ծրագիրն ընտրել ցանկացող ընտանիքները։ «Մուտք» ճամբարի ծնողները մասնակցեցին սեմինար-պարապմունքների, որի ընթացքում ծրագրի ղեկավար Նաիրա Նիկողոսյանը ներկայացրեց հեղինակային կրթական ծրագրի կազմակերպման կարգերը, փաստաթղթերը, ծանոթացրեց ուսումնական միջավայրին, ուսուցման առանձնահատկություններին:
«Մուտք» ճամբարի մասնակիցների հետ այս օրերին աշխատեցինք նախապես հրապարակված օրակարգով։ Մասնակցելով ընդհանուր պարապմունքներին՝ ընկեր Լիլիթի և տիկին Մարինեի հետ նոր պարեր և երգեր սովորեցինք, խաղ-ուսուցմամբ ընթերցեցինք Հովհաննես Թումանյանի «Կռունկներ» և Աթաբեկ Խնկոյանի «Մեղու» բանաստեղծությունները։
Եռօրյա ճամբարի ընթացքում այլընտրանքային զատկական ձվիկներ պատրաստեցինք, մարզվեցինք ընկեր Արմանի հետ, իրականացրեցինք «Գույներ և ազդեցություններ» խաղ-գործունեությունը, կազմակերպեցինք վարդատունկ, ծաղկատունկ Արևելյան դպրոցի կրթական պարտեզում։ Ճամբարային հագեցած երեք օրերն ամփոփեցինք կրթահամալիրի Ուսումնական ագարակում, որտեղ ծանոթացանք սեբաստացի կենդանիների հետ, փորձեցինք հաղթահարել կենդանիների հետ շփվելու վախերը, կերակրեցինք ու ձիավարեցինք:
Միմյանց հրաժեշտ տվեցինք բարձր և ուրախ տրամադրությամբ՝ անհամբեր սպասելով մեր մյուս հանդիպմանը:
Ամփոփումն ըստ օրերի՝
site584366730.wordpress.com 