Սեբաստացու օրեր. կրթահամալիրի տոնին ընդառաջ այսօր այցելեցինք Խաղողի և գինու դպրոց։ Սովորողները ծանոթացան գինու դպրոցի ղեկավար Արտակ Ռշտունու հետ, ով մեզ պատմեց գինեգործության մասին։ Ուսումնասիրեցինք մեր տարած խաղողի տեսակներն ու սովորեցինք անվանումները, ծանոթացանք և ականատես եղանք խաղողի մթերման և գինու պատրաստման աշխատանքներին։ Ընկեր Արտակի օգնությամբ ունեցանք գործնական պարապմունք, որից սովոողներն էլ ավելի ոգևորվեցին, երգեցին ու գովեցին սեբաստացի գինիներին։ Հանդիպումն ավարտեցինք ուսումնական մառանում, որն այնքա՜ն շշմեցնող էր ու տպավորիչ։