‹‹Մխիթար Սեբաստացի›› կրթահամալիրում ուսումնական գործունեությունը կազմակերպում, իրականացնում ենք ուսումնական նախագծերով: Ուսումնական նախագծերը կազմելիս դասվարն (մանկավարժական աշխատողը) ուղղորդվում է կրթահամալիրի ուսումնական օրացույցով՝ դառնալով այդ նախագծերի և՛ հեղինակը, և՛ իրականացնողը: Ուսումնական նախագծերը տարատեսակ ու տարաբնույթ են, կարծում եմ՝ շատ կարևոր ու արդյունավետ են ընտանեկան նախագծերը: Ծնողներն ու ընտանիքի անդամները երեխայի առաջին և ամենակարևոր ուսուցիչներն են: Ոչ մի հակասություն չի կարող լինել դպրոցի և ընտանիքի միջև, ծնողների ու դպրոցի հաջող համագործակցությունը սովորողի կրթության վճռորոշ տարրերից է: Կրթահամալիրում կարևորվում է ծնողի ներառումն ու մասնակցությունը իրականացվող ուսումնական նախագծերին, քանի որ տվյալ դեպքում ծնողը դառնում է նախագծի կրողն ուտարածողը: Եթե կրթական հաստատությունն ու ընտանիքը չհամագործակցեն, նույն արժեքների կրողը չլինեն, դրանից ոչ միայն սովորողի զարգացումը թերի կլինի, այլև հասարակական առաջընթացը: Սովորողների հետ իրականացրել ենք մի շարք ուսումնական նախագծեր։
Read moreDay: 31.03.2023
Ճամբարային երկարացված օրվա կազմակերպման իմ փորձը. կրթական պարտեզ
Երկարօրյա հասկացությունը շատ կրթական հաստատություններում դիտվում է որպես դաս-դասարանային համակարգ կամ դասապատրաստում, բայց «Մխիթար Սեբաստացի» կրթահամալիրում երկարացված օրը շուրջտարյա, տարատարիք ճամբար է՝ ուսումնական, ճամփորդական, ստեղծագործական բաց և ներառական միջավայրում: Որպես նորարարություն՝ երկարացված օրը 2017-2018 ուսումնական տարում դարձավ ճամբարային, և ջոկատներում ներառվեցին տարատարիք սովորողներ: Իմ ճամբարային ջոկատում ներառվեցին երկրորդ, չորրորդ և հինգերորդ դասարանի սովորողներ. ի սկզբանե մտավախություն կար՝ չհարմարվելու և իրար չընդունելու: Մեկ-երկու շաբաթ անց բոլոր մտավախությունները ցրվեցին, միջավայրի պես սովորողները ներառվեցին, հարմարվեցին մեկը մյուսին: Տարատարիք խմբի սկզբունքը շատ բարերար էր սովորողների, ինչպես նաև ինձ համար, քանի որ կարողանում ենք շատ նախագծեր իրականացնել, տվյալ դեպքում՝ չորրորդ և հինգերորդ դասարանի սովորողները դառնում են ինձ օգնականներ, գործում էր սովորող-սովորեցնող բաղադրիչը: Կարճ ժամանակ անց հաշտ, համերաշխ միջավայր, սովորղների համայնք ունեցանք, մեծերը փոքրերին ընդունում են որպես իրենց կրտսեր ընկերներ և արդյունքում ստեղծվել է մի միջավայր, որտեղ մեկը մյուսին օգնում, աջակցում է:
Read moreԱնդրադարձ 1-3 դասարանների ուս․ պլանին
Հանրակրթության պետական չափորոշիչ
Ուսումնական պլան. 1-3-րդ դասարաններ
Մեջբերում 12-րդ կետից
Մեդիագրադարանը, կրթահամալիրի գրադարանը, դասավանդողների, կրթահամալիրի ուսումնական կենտրոնների բլոգները սովորողին տանը, դպրոցում ապահովում են անհրաժեշտ ուսումնական էլեկտրոնային և տպագիր նյութերով, միջոցներով:
Ուսումնական պլանի 15-րդ կետում ներկայացված պահանջները՝սովորողի ուսումնական գործունեության արդյունքները, ճամբարներին, ճամփորդություններին, առարկայական ֆլեշմոբերին մասնակցությունը միայն գրանցում ենք սովորողի աճի բնութագրերում։
Ուս․պլան 16-րդ կետ
Ուսումնական գործունեության ընթացքում սովորողները վարժվում են թվային ուսուցման միջոցներն անվտանգ, խնամքով օգտագործելուն: Յուրացնում են նկարչական ծրագիր, սովորում են իրենց կարիքների համար օգտագործել տեքստային որևէ խմբագիր: Կարողանում են համացանցում գտնել իրենց հետաքրքրող ֆիլմեր, խաղեր, ուսումնական նյութեր: Տեխնիկան օգտագործում են կարդալ և գրել սովորելու համար:
Հանրակրթության պետական չափորոշիչ․
ՀԱՆՐԱԿՐԹԱԿԱՆ ՏԱՐՐԱԿԱՆ ԾՐԱԳՐԻ ՇՐՋԱՆԱՎԱՐՏԻ ՈՒՍՈՒՄՆԱՌՈՒԹՅԱՆ ԱԿՆԿԱԼՎՈՂ ՎԵՐՋՆԱՐԴՅՈՒՆՔՆԵՐԸ
14-րդ կետ
oգտվի պարզ թվային սարքերից, համակարգչային ծրագրերից, հավելվածներից, աջակցող սարքերից և սարքավորումներից, կարողանա օգտագործել դրանք՝ պահպանելով անվտանգության կանոնները.
Ուս․ պլան․ 21-րդ կետ
Անգլերենը և ռուսերենը ամենօրյա ուսումնական պարապմունքներ են:
Անգլերեն | 2 | 2 | 2 |
Ռուսերեն | 2 | 2 | 2 |
Ուս․պլան 31-րդ կետ
3-րդ դասարանում Սովորողը մասնակցում է եռօրյա հայրենագիտական-բնապահպանական-արշավախմբային ճամբարի կրթահամալիրի Արատեսի դպրական կենտրոնում կամ Սևանի ափին։
Բացի նշված եռօրյա ճամբարներից սովորողները ճամփորդում են նաև այլ ուղղություններով ։
Ընթերցանություն։ Վահագն Կարապետյան
Ընթերցանություն
Սովորող Վահագն Կարապետյանն իր գրադարանից ընտրել և ընթերցում է Հովհաննես Թումանյանի հեքիաթների գիրքը։ Գրքից առանձնացրել է ամենաշատը դուր եկած «Մայրը» պատմվածքն ու ներկայացնում այն տեսանյութի միջոցով:
Աշխատանքային նախագիծ՝ 03․04-07․04․23
Ապրիլյան նախագծեր
- «Ուսումնական գարուն» նախագիծ։ Ամփոփում
- «Ձոն». տեխնոլոգիական ստուգատես
- «Աղայան+Ռոդարի» ուսումնական նախագիծ
- «Սուրբ Հարության տոն. Զատիկ»
Ուսումնական ճամփորդություն
Ապրիլի 5՝Հովհաննես Թումանյանի անվան Պետական Տիկնիկային Թատրոն։
1-ին պարապմունք — 9:20 — 10:05
2-րդ պարապմունք — 10:10 — 10:55
3-րդ պարապմունք — 11:05 — 11:50
4-րդ պարապմունք — 11:55 — 12:40
Ընդմիջում — 12:40 — 12:55
5-րդ պարապմունք — 12:55 — 13:35
Read moreՀովհաննես Թումանյան «Գետակ»
— Ո՞ւր ես վազում
Այդպես արագ,
Ա՜յ դու կայտառ,
Սիրուն գետակ.Կանգ առ, խաղանք
Էս ծառի տակ։
«Չէ՛, փոքրիկըս,
Գնամ պիտի.
Տե՛ս ջաղացը
Գյուղի մոտի,
Պետք է ուժ տամ,
Որ պըտըտի։
Ցածն էլ հովտում
Անուշահոտ
Ինձ են մնում
Ծաղիկ ու խոտ,
Հոգնած-ծարավ
Տավարն ու հոտ։
Սառն աղբյուրը
Բարձըր սարի
Դրանց համար
Է ինձ տալի
Իր զով ջուրը
Կըլկըլալի։
Իսկ կամուրջի
Տակն էլ որ գա,
Կա լվացքը
Պառավ կընկա,
Պետք է լվամ
Քանի լույս կա։
Դե՜, տեսնո՞ւմ ես,
Մնա՛ս բարով,
Ճամփաս ցանած
Հազար գործով.
Դադար չունեմ
Ես մինչև ծով»։
Ապրիլ ամսվա դասարանական օրացույց
Ապրիլյան նախագծեր
Ուսումնական ճամփորդություններ
Ապրիլի 5 Հովհաննես Թումանյանի անվան Պետական Տիկնիկային Թատրոն։
Ապրիլի 12 Զատկի ծեսը Հովհաննավանքում
Առարկայական ամենամսյա ֆլեշմոբեր
Ծննդյան տոներ՝
Վահանյան Տաթև
«Աղայան+Ռոդարի» ուսումնական նախագիծ
Նախագիծը նախատեսված է 2-րդ դասարանների համար:
Ժամանակահատվածը ՝ 03․04-30․04
Մասնակիցներ ՝ 2․3 դասարանիս սովորողներ
Նպատակն ու խնդիրները
Այս նախագիծը և նախագծում կիրառված մեթոդները սովորողներին հնարավորություն կտան ինքնուրույն մտածել, դիտարկել, ուսումնասիրել, ինչպես նաև զարգացնել վերլուծական և երևակայական մտածողությունը։
Նախագիծը սկսում են Ռոդարիական հնարքներից.
Ռոդարիական հնարքներ.
- Ի՞նչ կլիներ, եթե …
- Հեքիաթների շիլափլավ /Ռոդարի+Աղայան/
- Ռոդարիական հնարներով անսովոր պատմություններ
- Թարս հարցեր շիտակ պատասխաններով
- Իսկ հետո ի՞նչ եղավ
- Բառախաղ-լեզվախաղ. մի բառ ես, մի բառ դու
- Ռոդարին մաթեմատիկայում, մաթեմատիկական պատմություններ
- Ռոդարիական կենդանի, տիկնիկային ներկայացումներ, խաղ-թատրոն
- Տիկնիկներ անսպասելի նյութերից (խոհանոցային պարագաներ, կենցաղային, տեխնիկական առարկաներից, թափոններից)
- Ռոդարիական Զատիկ
- Ռոդարիական մարմնամարզություն
- Ռոդարին խոհանոցում.անսովոր ուտելու կերպարներ
- Ռոդարին բակ-պարտեզում, լանջերին և այլուր
Տրվում են բառեր, որոնցով պետք է պատմություն կամ հեքիաթ հորինեն: Բառերը վերցնում ենք հեքիաթներից. օրինակ՝ որևէ հեքիաթից վերցնում ենք 5 բառ՝ ավելացնելով հեքիաթի հետ կապ չունեցող մի բառ:
Գործողությունների ընթացքը
- Աղայանական և ռոդարիական հեքիաթների, բանաստեղծությունների ընթերցում, քննարկում։
- Ռոդարի և տեխնոլոգիա-հեքիաթների հերոսների պատրաստում թափոններից, նաև սննդամթերքից։
- Ռոդարի և մեդիա /սովորողները Paint ծրագրով հեքիաթը նկարազարդում են, պատումը ձայնագրիչով ձայնագրում և այս ամենի օգնությամբ հենց իրենք ստեղծում են իրենց հեղինակային էլեկտրոնային էջ- ընթերցարանները: Դրանք ներկայացվում են որպես մեդիաընթերցարաններ:
Ռոդարիական հնարքների կիրառում՝
- Ի՞նչ կլիներ, եթե …
- Հեքիաթների խառնաշփոթ
- Շուռ տված հեքիաթներ
- Իսկ հետո ի՞նչ եղավ
- Հեքիաթների շիլափլավ /Ռոդարի+Աղայան/
- Ռոդարիական հնարներով անսովոր պատմություններ
- Թարս հարցեր
Ուսումնական նյութեր՝
- Աղայանի մանկական ստեղծագործություններ
- Ջանի Ռոդարի
- Ջանի Ռոդարի Ստեղծագործական երևակայության քերականություն
Հեքիաթներ՝ Մեկ և յոթ, Աչքերի գանգատը, Պաղպաղակե դղյակը, Թարս հարցեր, Կապույտ լուսացույցը, Կոնֆետի անձրևը, Շոկոլադե ճանապարհը…
Ղ.Աղայանի ստեղծագործություններ՝ Կենդանիների վեճը, Մեղուն ու մարդը
Մուլտֆիլմերի դիտում քննարկում՝ Ցրված Ջովանին , Չիպոլինոյի արկածները:
Նախագծի ընթացքում ստեղծված նյութերը հրապարակվում են դասարանական բլոգում, ենթակայքում: